‘O pizz’ ‘e muntagna
E saglimm’, saglimme,
ma ‘a cimm’ addò’ sta?
Ate sfuorze facimme,
po’ na voce…” sta llà ! ”.
Arrete ‘e nuvole accuvata,
nun vuleva accumparé.
’O viente ha scupirchiata,
“che bellezz’ adda’ vedé.”
Ogne tant’ ‘o paesaggio,
accumpare e po’ scumpare.
E tra pine, castagn’ e faggie,
s’intravvede pur’ ‘o mare.
Arrivate ‘ncopp’ ‘a cimma,
friddo e neve in quantità.
‘Na crucella nuje vedimmo,
che agghiacciata se ne sta.
A uno a uno c’ ‘a strignimm’,
jesce ‘o sole a ce scarfà.
Si stanchezza nun sentimm’,
chesta forza chi c’ha da’?….
Ammiezo ‘o viento, in alleria,
tutt’ in coro nuje cantammo.
E quann’ è passata l’euforia,
pure ‘a rint’ ce guardammo.
A chest’ altezza, vicine a Die,
tanta pace nuje truvammo.
E si a turnà se piglia ‘a via,
fino ‘a casa c’ha purtammo.
A. Matrone
C/mare di Stabia. nov. 2013
